www.thename.ph

www.suurinimi.com

The Revelation of the Great Name of God

and of the Testimony of Jesus, and the New City of God, the New Jerusalem and the Coming of the Foreigner of God

"Generations come and generations go, but the earth remains forever." - Ecclesiastes 1:4 (NIV)

The world will not end, it will have a new beginning. One people, one world and One God.

The LORD will be king over the whole earth. On that day there will be one LORD, and his name the only name. Zechariah 14:9 (NIV)

The Name of God Revealed (NIV) | The Name of God Revealed (Tanakh) | The Testimony of Jesus | The Coming of the Foreigner 

Language versions:

English

Filipino

Finnish

Unang Pahina | Tungkol sa site | Balita | Sitemap | Email

Hinggil sa Manloloko at Naloloko
Kanino higit na napopoot ang Panginoong Dios?
Revealed October 10, 2011

Basahin ang Pahinang ito sa Ingles.

Sa loob ng mahabang panahon ay itinanim na sa ating mga kaisipan ng mga tagapagturo ng iba’t-ibang simbahan at mga relihiyon na kamuhian ang diablo o ahas sa pandaraya nito kina Adan at Eba sa Halamanan ng Eden, sa Aklat ng Genesis ng Banal na Aklat. Nguni't nakalimutan nila na ikwento sa atin ang tunay na kasaysayan sa Halamanan ng Eden.

Sa Halaman ng Eden, sinabihan ng Dios si Adan na makakain niya lahat ang mga bunga ng mga punoy-kahoy roon nguni’t sa isang puno sa gitna ng Halamanan ay hindi niya dapat kainin. Nilalang si Eba, at siya ang tinukso ng Diablo, at napasunod din niya si Adan na kumain ng iinagbawal na bunga. Sino ang dapat na sundin nina Adan at Eba, ang Dios o ang ahas?

Nguni’t nagawang kainin ang ipinagbawal sa kanila, sinuway nila ang Dios.  Sa naganap na pagsuway nina Adan at Eba sa Dios dahil sa panloloko ng diablo o ahas, sila ang pinalayas ng Dios sa Halamanan at pinarusahan pa ng kamatayan!  Samantala ang ahas naman ay hindi pinalayas nguni’t pinagapang  lamang bilang kaparusahan at hindi pinatay! Bakit ganoon?

Kung uunawaing mabuti, higit ang parusa ng Dios kina Adan at Eba na nagpaloko kaysa sa ahas na nanloko sa kanila. Binigyan na sila ng Dios ng sariling pagiisip, mata, tainga at kung anu-ano pa at lahat ng kakailanganin nila sa Halamanan, at pinaalalahanan pa na huwag kainin ang nag-iisang bunga na tinukoy baka sila mamatay, at naniwala sa mungkahi o panloloko ng ahas na kainin ang ipinagbawal na bunga at hindi sila mamamatay… kinain nila, sumunod sa ahas o hindi? Kaya, pinalayas sila ng Dios sa Kanyang harapan at mula sa Halamanan!

Higit ang galit ng Dios sa mga nagpapaloko, dahil alam na nila na magagalit ang Dios kapag sinuway nila Siya, nguni’t sinuway pa nila Siya dahil lamang sa pangako na ibinigay ng ahas o ng manloloko.

Ang trabaho ng manloloko ay ang manloloko gn iba; gaya ng ahas o ng diablo, ang gawain niya ay ang manloko, gaya ng ginawa niya kina Adan at Eba. Nabubuhay ang manloloko dahil may naloloko siya, nguni’t kung hindi nagpaloko sina Adan at Eba, mawawalan ng silbi ang manloloko, dahil hindi niya maloloko ang dalawa.

Kaya nga makatwiran ang ginawang pagpapalayas kina Adan at Eba, hindi nila ginamit ang kanilang angking talino at unawa, at sinuway nila ang Dios dahil lamang sa salita at pangako ng ahas ng walang kamatayan na kanilang pinaniwalaan na tutuo.   

Gayondin naman sa kasalukuyang panahon natin; napapanood, napapakinggan, at nababasa natin sa mga balita na parami nang parami ang mga namamatay na tao sa iba’t-ibang bahagi ng mundo sa pamamagitan ng mga kalamidad, pagbabago ng pahahon, kasakunaan, kagutuman, pagsasalot, kahirapan, digmaan,  at iba pang mga kaguluhan.

Itinatanong natin sa ating mga sarili: Bakit pinapayagan ng Dios na danasin natin ang ganitong mga uri ng paghihirap? Ibig sabihin ba nito na tayo rin ay pinarurusahan ng Dios hanggang sa kasalukuyan?

At kung ang dinaranas natin ngayon ay halos katulad ng mga dinanas nina Adan at Eva, na walang kaligtasan at biyaya mula sa Dios, hindi kaya tayo nadaya rin ng ahas o ng Diablo gaya nila?

Papaano tayo nadadaya pa sa panahong kasalukuyan?

Gamitin lang natin ang ating unawa, nakikita natin kapag may dumating na mga kalamidad at mga kaguluhan, ang mga relihiyon ay magsasabi na ang lahat ay humingi ng tulong sa Dios upang maalpasan ang mga kalamidad na hinaharap sa kasalukuyan.

Dinidinig ba ng Dios ang ating mga panalangin? Tumigil ba yung mga kalamidad? Hindi, lalo pang lumulubha. Ibig sabihin, yung mga panalangin ng lahat, kasama na ang mga panalangin din ng mga relihiyon ay hindi dinidinig ng Dios.

Bakit?

Ang sabi ni Maestro Evangelista: Kapag tayo ay nahaharap sa mga kalamidad at ng iba’t-ibang uri ng paghihirap at mga kaguluhan, tinuturuan tayo ng mga relihiyon na tumawag sa ngalan ni Jesus upang makatanggap ng kaligtasan, na alam na natin noon pa man na bago siya mamatay sa pagkapako sa krus ay sumigaw pa ng “Dios ko! Dios ko! Bakit mo ako pinabayaan?”

Si Jesus na sumigaw na pinabayaan siya ng Dios na mamatay sa krus, pagkatapos tinuturuan tayo ng mga relihiyon na humihingi ng kaligtasan at tulong kay Jesus; sa tingin ninyo hindi kaya tayo ay niloloko rin ng mga relihiyon?

Halimbawa, may nakita tayong isang taong hinampas, pinahirapan at namatay pa na umamin na pinabayaan siya ng Dios, at may darating na isa pang tao na magtuturo at magsasabi na ang taong hinampas at pinatay na iyon ay ang ating tagapagligtas at sa kanya tayo humingi ng tulong, malinaw na niloloko na tayo ng taong tagapagturo na iyon!

At sa kasalukuyan iyan ang paniniwala ng higit na karamihan sa atin, napaniwala ng mga tagapagturo ng mga relihiyon na ang mga tao na tumawag kay Jesus bilang tagapagligtas ng lahat. Isang kahangahangang panloloko o kasinungalingan na ginawa ng Diablo o ahas at ng kanyang mga alagad!

At dahil tayo’y nagpadaya sa kanila, hindi ba’t makatwiran lang na parusahan din tayo ng Dios?

Kaya ang ang mga tao sa buong mundo sa kasalukuyan ay dumaranas ng matitinding mga paghihirap sanhi ng panlolokong ito. Isinumpa o pinarurusahan tayo ng Dios!

Wala tayong maaring sisihin kundi sarili rin natin sa dinaranas natin ngayon, dahil nagpaloloko tayo at naniwala sa mga itinuro ng mga relihiyon na puno ng mga kasinungalingan at pandaraya! Hindi natin ginamit ang ating talino at unawa, basta na lamang naniwala sa mga maling turo ng mga relihiyon.

Nangangahulugan din na kaya rin nating palayain ang ating mga sarili sa panloloko sa pamamagitan ng pagbubukas ng ating mga pangunawa sa mga tunay na aral ng Dios na nasusulat sa Banal na Aklat na inihahayag ni Maestro Evangelista sa website na ito.

Bumalik sa Itaas.

Magpatuloy sa: Tungkol sa "Ikasampung Bahagi" o Tithes

Ang pahinang ito ay huling inayos noong: Monday November 23, 2015

Home | About | News | Sitemap | Email

Please go to www.facebook.com/Thenameph for more information.

Copyright © 2011 www.thename.ph

Maestro Eraño M. Evangelista was only sent to deliver God's Message to all people; he is not starting a new religion, nor asking for any kind of donation. Please find time to read the messages completely.