www.thename.ph

www.suurinimi.com

The Revelation of the Great Name of God

and of the Testimony of Jesus, and the New City of God, the New Jerusalem and the Coming of the Foreigner of God

"Generations come and generations go, but the earth remains forever." - Ecclesiastes 1:4 (NIV)

The world will not end, it will have a new beginning. One people, one world and One God.

The LORD will be king over the whole earth. On that day there will be one LORD, and his name the only name. Zechariah 14:9 (NIV)

The Name of God Revealed (NIV) | The Name of God Revealed (Tanakh) | The Testimony of Jesus | The Coming of the Foreigner 

Language versions:

English

Filipino

Finnish

Unang Pahina | Tungkol sa site | Balita | Sitemap | Email

Ang Patotoo ni Jesus.

Basahin ang Pahinang ito sa Ingles.

Habang tayo ay dinaratnan ng mga kalamidad sumasaisip natin ang tanong:

Tayo ba ay nasumpa?

Ito ang isa sa mga katanungan na sasagutin ni Maestro Eraño M. Evangelista sa aklat na ito sa pamamagitan ng paghahayag niya ng Salita ng Dios sa Banal na Aklat.

Tuklasin ang mga pahayag na nangyayari sa ating panahon! Ito ay hindi isang bagong relihiyon o isang bagong simbahan.

Ito ay ang tungkol sa Katotohanan sa Banal na aklat na hindi naihayag ng mga relihiyon sa sangkatauhan.

“Katapusan ng Mundo,” isang katagang ginagamit ng mga relihiyon upang maghasik ng takot sa mga tagasunod nito – upang pangalagaan at isulong ang kanilang lihim na layunin. Nguni’t ano nga ba ang tunay na kahulugan ng “Katapusan ng Mundo?” Ito ba ay ang pagkagunaw ng pisikal na kalagayan ng mundo? O ito ay ang katapusan ng Kasamaang nangingibabaw sa mundo?

Mga bansa, mga pandaigdigang ahensiya, atbp. ay nagsisulong upang ipalaganap ang Kapayapaan at Kasaganaan sa lahat ng mga bansa, subali't napunta sa wala. Ang mundo ay nasa karimlan nguni’t si Maestro Evangelista ay nagsasabi na huwag panghinaan ng loob at huwag mawalan ng "pag-asa!" Ang Kaningningan ng Katotohanan tungkol sa Dios ang magbabalik ng Liwanag!

Si Maestro Evangelista ang magbubukas ng ating mga mata at magbabalik ng Karunungan at Kaunawaan. Binigyan tayo ng Dios ng lahat ng ating kakailanganin; mga mata upang makakita, mga tenga upang makarinig at katalinuhan upang tiyakin ang mga bagay-bagay.

Nguni’t sa lahat ng ito, papaano pa tayo nalilinlang ng MANDARAYA? Ito ba ay dahil hindi sapat ang naibigay sa atin? O ito ay dahil sa bigo ang tao sa paggamit ng mga ibinigay ng Dios? At upang lalo pang lumala ang kalagayan, kilala ba natin kung sino ang Mandarayang ito?

Karunungan at Kaunawaan

Gaano kahalaga ang KARUNUNGAN at KAUNAWAAN ? Binigyan ng Dios ang tao ng katalinuhan, ang kapangyarihan upang malaman ang tama at ang mali. Siya ay umaasa na ating gagamitin ito upang hindi tayo madaya. Gaanong kabiguan sa Dios kung hindi natin ito magawa! Tingnan natin sina Adan at Eva, ang dalawa na may katalinuhan, na isang tanyag na halimbawa. Binigyan sila ng Dios ng isang utos na kainin ang lahat ng mga prutas sa Halamanan ng Eden, liban sa isa! Sa kabila noon, hinayaan nilang sila ay madaya ng Ahas na naging dahilan ng kanilang kaparusahan at pagkakapalayas mula sa Eden, nguni’t nanatili ang Ahas.

Ahas, Satanas… Ang gawain ng Mandaraya ay ang manlinlang ng tao. Ang Ahas ay hindi kaaway ng Dios bagkus ito ay kasangkapan Niya upang subukin ang tao. Ang Dios ang nagbigay ng mga utos upang sundin at kung ang tao ay hindi gagamitin ang kanyang KARUNUNGAN at KAUNAWAAN at hahayaan niya ang kanyang sarili na malinlang pa ni Satanas, siya ay mapaparusahan. Tuso talaga si Satanas. Siya ay nanlilinlang gamit ang iba’t-ibang mga pamamaraan na nakakadaya sa tao!

Ang Banal na Aklat ay naghayag ng mga katunayan at mga pangyayari kung papaano nalilinlang ni Satanas ang tao. Nararapat lang na ang lahat ay kumuha ng KARUNUNGAN at KAUNAWAAN upang maiwasan ang panlilinlang! Ito ang unang hakbang tungo sa isang bago at dakilang panimula!

Ang Banal na Aklat

Ang Banal na Aklat ang pinakamalawak na binabasang Aklat sa mundo. Nguni’t ang nakaka-intrigang tanong ay: May tao bang makakaunawa ng nilalaman nito?

Ang Banal na Aklat ay ang isang ganap na Aklat. Ganap dahil ito ay naghahayag ng dalawang panig upang pagpilian ng tao – ang Pagpapala at ang Sumpa. Nguni’t bakit ang mga relihiyon, kahit iisang Biblia ang ginagamit, ay patuloy na nagtatalo-talo sa isa’t isa? May mali ba sa Aklat na ito o nararapat ba na sabihin na ito ay ang bigong pagkakaunawa at pagkakaalam sa kung ano ang tama at ang mali… katotohanan o kasinungalingan… pagpapala at sumpa?

Pag-isipan, bakit ang mga propeta sa Lumang Tipan ay iniligtas? Si Jonas mula sa tiyan ng malaking isda at si Daniel mula sa yungib ng mga leon. Sa kabilang dako naman, bakit ang mga nagsisunod kay Jesus sa Bagong Tipan ay nangalugmok sa kapahamakan; binitay, sadyang pinatay, pinarusahan at ipinakain sa mga leon? Ito ang ating tuklasin!

Si Maestro Eraño M. Evangelista, ang taong sinugo ng Dios, siya ang magbubukas ng Banal na Aklat upang liwanagin ang mga nilalaman nito. Buksan ang ating mga isip at hayaang baguhin ng Katotohanan ang ating buhay. Palayain ang ating mga sarili sa mga kasinungalingan ng mga relihiyon!

Ang Paghahangad ng Kapayapaan

Sa mga nagdaang siglo, ang pagkakamit ng Kapayapaan ang naging higit na masalimuot. Kahit ang mga pagpupunyagi ng mga bansa sa United Nations ay napunta lamang sa wala! Ano ang kadahilanan ng mga kaguluhang ito? May pag-asa pa ba ang sangkatauhan? Ano ang kakailanganing gawin upang maibalik ang matahimik na pamumuhay?  

Hayaang ipakita ni Maestro Eraño M. Evangelista ang daan!

Bumalik sa Itaas.

Magpatuloy sa: Ang Sumpa ng Dios.

Ang pahinang ito ay huling inayos noong: Wednesday May 28, 2014

Maestro Eraño M. Evangelista was only sent to deliver God's Message to all people; he is not starting a new religion, nor asking for any kind of donation. Please find time to read the messages completely.