www.thename.ph

www.suurinimi.com

The Revelation of the Great Name of God

and of the Testimony of Jesus, and the New City of God, the New Jerusalem and the Coming of the Foreigner of God

"Generations come and generations go, but the earth remains forever." - Ecclesiastes 1:4 (NIV)

The world will not end, it will have a new beginning. One people, one world and One God.

The LORD will be king over the whole earth. On that day there will be one LORD, and his name the only name. Zechariah 14:9 (NIV)

The Name of God Revealed (NIV) | The Name of God Revealed (Tanakh) | The Testimony of Jesus | The Coming of the Foreigner 

Language versions:

English

Filipino

Finnish

Unang Pahina | Tungkol sa site | Balita | Sitemap | Email

Ang Kapamahalaan at Kaluwalhatian ng Mundo

Basahin ang Pahinang ito sa Ingles.

ANG PANLILINLANG NI JESUS

Inihayag noong ika-22 ng Agosto 2005

Namamalas natin sa araw-araw kung papaano ang mga relihiyon ay nangangaral (sa mga simbahan, radyo, telebisyon at Internet) tungkol kay Jesus; na siya ang "anak ng Dios." Dahil sa pagpupunyagi at salapi (na nalikom sa mga tagasunod nila) ay itinayo nila ang pinakamabisang pamamaraan ng pagpapalagananap ng kanilang mga aral! Dahil sila ay pinalakas ng kapangyarihan ni Jesus, na tumanggap ng "kapamahalaan at kaluwalhatian ng mundo" mula sa Diablo/Satanas!

Hahayaan ba natin na tuluyan tayong malinlang habang panahon?

Papaano naging matagumpay si Jesus sa pagpapalagananap ng maling aral noon?

Ano rin ang naging pamamaraan niya sa panlilinlang sa mga tao noong kapanahunan niya?

Habang nangagkakatipon nga ang mga Fariseo, ay tinanong sila ni Jesus ng isang tanong.

Na sinasabi, Ano ang akala ninyo tungkol kay Cristo? kanino bagang anak siya? Sinabi nila sa kaniya, kay David.

Mateo 22:41-42 (TAB)

Dahil alam ng lahat na ang darating na "Kristo" ay manggagaling sa  kanilang lahi na tatawaging “anak ni David.”

Sinabi niya sa kanila, Kung gayo'y bakit tinatawag siya ni David na Panginoon, sa espiritu, na nagsasabi,

Sinabi ng Panginoon sa aking Panginoon, Maupo ka sa aking kanan, Hanggang sa ilagay ko ang iyong mga kaaway sa ilalim ng iyong mga paa?

Mateo 22:43-44 (TAB)

“bakit tinatawag siya ni David na Panginoon, sa espiritu” - At nilaro sa salita ni Jesus ang mga Fariseo na hindi nila inaasahan, at sinundan pa niya ng isa pang tanong:

Kung tinatawag nga siya ni David na Panginoon, paanong siya'y kaniyang anak?

Mateo 22:45 (TAB)

Sa pagkakataong ito, pinaniniwala ni Jesus ang mga tao na siya ang binabanggit ni David sa mga katagang iyon, na siya ay “anak ng Dios” sa "espiritu."

At sila ay nahulog sa bitag ni Jesus, sila ba ay nakasagot sa kanya?

At wala sinomang nakasagot sa kaniya ng isang salita, ni wala sinomang nangahas buhat sa araw na yaon na tumanong pa sa kaniya ng anomang mga tanong.

Mateo 22:46 (TAB)

Ni isa ay walang nakasagot sa kanya. Si Jesus lamang ang nakakaalam ng tunay na kahulugan ng talatang binanggit (dahil siya ang inutusan ng Dios na magpaliwanag ng mga nasusulat sa Banal na Aklat), dapat lamang na ipaliwanag niya ito ng malinaw sa kanyang bayan, dahil ito ang tungkulin niya. Nguni't sa halip na ipaliwanag ay ginamit pa niya sa pangsariling kapakanan, at ipinakita niya na mas higit pa siya kay David – bilang isang “anak ng Dios” at hindi anak ni David.

Ayaw na niyang tawagin siyang “anak ni David,” bagkus ay ni-nais niyang kilalanin siya ng kanyang bayan bilang isang “anak ng Dios!”

Mananatili bang hiwaga ang mga sinalita ni Jesus noon?

Hindi, dahil dumating na ang sinabi niyang “anghel” na si Maestro Evangelista. Siya ang magpapaliwanag sa atin ng malinaw ang lahat tungkol kay Jesus, mula sa pahayag hanggang sa kanyang kamatayan, at sa kanyang salita; at ano ang masasabi niya sa inaangkin ni Jesus?

Ang sabi ni Maestro Evangelista, gumamit si Jesus ng mga talata sa Banal na Aklat kaya ang mga Fariseo ay hindi malaman kung papaano siya sagutin at pabulaanan, dahil hindi sila ang may kapahintulutan ng magpaliwanag ng mga ito.

Ihahayag na sa atin ni Maestro Evangelista ang tungkol sa usaping ito.

Nang tanungin sila ni Jesus tungkol sa talatang “Sinabi ng Panginoon sa aking panginoon,” nakasulat ba iyan sa Banal na Aklat?

Sinabi ng Panginoon sa aking panginoon, umupo ka sa aking kanan, hanggang sa aking gawing tungtungan mo ang iyong mga kaaway.

Awit 110:1 (TAB)

Nakasulat. Kaya ni isa sa mga tinanong ni Jesus ay hindi nagkaroon ng lakas ng loob at kauunawaan na pabulaan siya. Nguni’t dumating na si Maestro Evangelista na siya ang magpapaliwanag sa atin ng malinaw tungkol sa inaangkin ni Jesus.

Ang sabi ni Maestro Evangelista: Sinalita nga ni David ang binanggit na talata at hindi si Jesus ang binabanggit niya na "aking panginoon" kundi ang sarili niya. At ang dahilan kung bakit tinawag ni David ang kanyang sarili na "aking panginoon" (kapag humaharap at nakikipag-usap siya sa Pangi Dios) ay dahil hari din siya.

"Sinabi ng Panginoon" - Ang Dios ito.

"sa aking panginoon" - ito si David, ito ang titulo na ibinibigay sa mga hari.

Basahin pa natin ang isa pa sa mga palagiang sinasalita ni David kapag siya ay nakikipag-usap sa Dios:

Ingatan mo ako, Oh Dios; sapagka't sa iyo nanganganlong ako.

Oh kaluluwa ko, iyong sinabi sa Panginoon, ikaw ay aking Panginoon: ako'y walang kabutihan liban sa iyo.

Awit 16:1-2 (TAB)

"Oh kaluluwa ko" – Si David din pala ang nagsasalita patungkol sa kanyang sarili habang nakikipag-usap sa Dios nang kanyang sinabi “ikaw ay aking Panginoon.”

Tunay ba na ganito tukuyin ni David ang kanyang sarili sa tuwing nakikipag-usap siya sa Dios?

Nang magkagayo'y ang haring si David ay pumasok, at umupo sa harap ng Panginoon: at kaniyang sinabi, Sino ako, Oh Panginoong Dios, at ano ang aking sangbahayan na ako'y iyong dinala sa ganiyang kalayo?

At ito'y munting bagay pa sa iyong paningin, Oh Panginoong Dios; nguni't ikaw ay nagsalita naman ng tungkol sa sangbahayan ng iyong lingkod nang hanggang sa malaong panahong darating; at ito ay ayon sa paraan ng tao, Oh Panginoong Dios!

At ano pa ang masasabi ni David sa iyo? sapagka't iyong kilala ang iyong lingkod, Oh Panginoong Dios.

II Samuel 7:18-20 (TAB)

“At ano pa ang masasabi ni David sa iyo?” – Pag humarap at nakipag-usap si David sa Dios, tinutukoy niya ang kanyang sarili sa ikatlong katauhan, hindi niya direktang binabanggit ang kanyang sarili. Ito ang malabis na paggalang at pagpapakumbaba ni David sa harapan ng Dios, sapagka't siya ay dating pastol na naging hari dahil sa pagpapala ng Dios.

Basahin natin muli ang inaangkin ni Jesus:

Habang nangagkakatipon nga ang mga Fariseo, ay tinanong sila ni Jesus ng isang tanong.

Na sinasabi, Ano ang akala ninyo tungkol kay Cristo? kanino bagang anak siya? Sinabi nila sa kaniya, kay David.

Sinabi niya sa kanila, Kung gayo'y bakit tinatawag siya ni David na Panginoon, sa espiritu, na nagsasabi,

Sinabi ng Panginoon sa aking Panginoon, Maupo ka sa aking kanan, Hanggang sa ilagay ko ang iyong mga kaaway sa ilalim ng iyong mga paa?

Mateo 22:42-44 (TAB)

Si David lang ang nakikipagusap sa Dios sa binanggit na talata ni Jesus, wala nang iba.

At isa pa, ang inaangkin ng mga relihiyon na ang mga kaaway ni Jesus ang inilagay sa ilalim ng kanyang paanan: Totoo ba ito? Kaninong kaaway ba sila?

At si Salomon ay nagsugo kay Hiram, na kaniyang sinasabi,

Talastas mo na kung paanong si David na aking ama ay hindi nakapagtayo ng bahay sa pangalan ng Panginoon niyang Dios dahil sa mga pagdidigmaan sa palibot niya sa bawa't dako, hanggang sa inilagay sila ng Panginoon sa ilalim ng mga talampakan ng kaniyang mga paa.

I Mga Hari 5:2-3 (TAB)

Ang mga kaaway ni David ang inilagay sa ilalim ng kanyang paanan, hindi sa ilalim ng paanan ni Jesus. Nguni’t sa panig ni Jesus, ito ay kabaligtaran, siya ang inilagay sa paanan ng kanyang mga kaaway. Sa wakas, ang tanong na hindi masagot sa dalawang libong taon ay nasagot na!

Kaninong pamamaraan ng paglinlang ang ginamit ni Jesus sa kanyang gawain, ito ba’y galing sa Dios o mula sa iba? Likas ba sa kanya ang pamamaraan na ito o may nagturo sa kanya?

Basahin natin ang pinagmulan ng pamamaraan ng panlilinlang na ito:

At sinabi sa kaniya ng diablo, Kung ikaw ang Anak ng Dios, ipag-utos mo na ang batong ito ay maging tinapay.

Lucas 4:3 (TAB)

Alam ng diablo na si Jesus ay hindi tunay na “anak ng Dios.”

At sinagot siya ni Jesus, Nasusulat, Hindi sa tinapay lamang mabubuhay ang tao.

At iniakyat pa siya niya, at ipinakita sa kaniya sa sandaling panahon ang lahat ng mga kaharian sa sanglibutan.

At sinabi sa kaniya ng diablo, Sa iyo'y ibibigay ko ang lahat ng kapamahalaang ito, at ang kaluwalhatian nila: sapagka't ito'y naibigay na sa akin; at ibibigay ko kung kanino ko ibig.

Kaya nga kung sasamba ka sa harapan ko, ay magiging iyong lahat.

Lucas 4:4-7 (TAB)

Ito ang alok ng diablo/Satanas, at ang kapalit ay ang sasambahin siya, ano ang sagot ni Jesus?

At si Jesus ay sumagot at sinabi sa kaniya, Nasusulat, Sa Panginoon mong Dios sasamba ka, at siya lamang ang iyong paglilingkuran.

Lucas 4:8 (TAB)

Sinagot ito ni Jesus sa pamamagitan ng talata. Ano pa ang nangyari?

At dinala niya siya sa Jerusalem, at inilagay siya sa taluktok ng templo, at sinabi sa kaniya, Kung ikaw ay Anak ng Dios, ay magpatihulog ka mula rito hanggang sa ibaba:

Lucas 4:9 (TAB)

Gaya ng nauna, hinamon na ulit ng Diablo si Jesus na tumalon mula sa itaas.

At:

Sapagka't nasusulat, Siya'y magbibilin sa kaniyang mga anghel tungkol sa iyo, upang ikaw ay ingatan:

At, Aalalayan ka nila ng kanilang mga kamay, Baka matisod ka ng iyong paa sa isang bato.

Lucas 4:10-11 (TAB)

“Sapagka't nasusulat” – dahil sinagot ni Jesus ang Diablo gamit ang mga talata sa Banal na Aklat, ang Diablo sa ganang kanya ay gumamit din ng mga talata upang hamunin siya… ano ang sagot ni Jesus?

At pagsagot ni Jesus ay sinabi sa kaniya, Nasasabi, Huwag mong tutuksuhin ang Panginoon mong Dios.

Lucas 4:12 (TAB)

"Huwag mong tutuksuhin" - Bakit sinagot siya ni Jesus sa ganitong paraan? Ang ginamit na talata ba ng Diablo ay matatagpuang nakasulat sa Banal na Aklat?

Sapagka't siya'y magbibilin sa kaniyang mga anghel tungkol sa iyo, upang ingatan ka sa lahat ng iyong mga lakad.

Kanilang dadalhin ka sa kanilang mga kamay, baka matisod ka ng iyong paa sa isang bato.

Awit 91:11-12 (TAB)

Totoo, nguni’t ang nakasulat dito ay iba sa sinasabi ng Diablo sa kanya. Ang sabi ng Diablo “ay magpatihulog ka,” ibig sabihin “mahulog na sadya” at sa talata, siya ay ililigtas “baka matisod ka ng iyong paa sa isang bato,” – ibig sabihin, kung hindi sinasadyang matisod o mahulog. Iba ang sinasabi ng Diablo tungkol sa nakasulat sa Banal na Aklat. Ito ang lihim ng pagtukso o paglinlang – ang sadyain at taliwas sa nakasulat. 

At ang aral ng mga relihiyon na ang pagtutukso sa ilang ay ang huling pagkakataon na si Jesus ay tinukso ng Diablo, Totoo ba ito? Ano ang katunayan na ito ang hindi panghuli?

Basahin pa:

At nang matapos ng diablo ang lahat ng pagtukso, ay hiniwalayan siya niya ng ilang panahon.

Lucas 4:13 (TAB)

“hiniwalayan siya niya ng ilang panahon” – hiniwalayan nga ng Diablo si Jesus, nguni’t ito ay sa "ilang panahon" lamang, hindi nagtagal siya ay tinukso ng paulit-ulit, hanggang sa manaig ang Diablo sa pagtukso kay Jesus.

Bumalik sa Itaas.

Magpatuloy sa: Ang Tungkol sa Kasalanan

Ang pahinang ito ay huling inayos noong: Wednesday May 28, 2014

Maestro Eraño M. Evangelista was only sent to deliver God's Message to all people; he is not starting a new religion, nor asking for any kind of donation. Please find time to read the messages completely.