www.thename.ph

www.suurinimi.com

The Revelation of the Great Name of God

and of the Testimony of Jesus, and the New City of God, the New Jerusalem and the Coming of the Foreigner of God

"Generations come and generations go, but the earth remains forever." - Ecclesiastes 1:4 (NIV)

The world will not end, it will have a new beginning. One people, one world and One God.

The LORD will be king over the whole earth. On that day there will be one LORD, and his name the only name. Zechariah 14:9 (NIV)

The Name of God Revealed (NIV) | The Name of God Revealed (Tanakh) | The Testimony of Jesus | The Coming of the Foreigner 

Language versions:

English

Filipino

Finnish

Unang Pahina | Tungkol sa site | Balita | Sitemap | Email

Ang Pamamaraan ng Panglilinlang ni Satanas

Basahin ang Pahinang ito sa Ingles.

SI JESUS BA’Y NABUHAY MULI?

Inihayag noong ika-22 ng Agosto 2005

Si Jesus ay dumating (unang pagdating) noon upang ganapin ang kanyang misyon para sa kanyang bayan; namatay at nabuhay siya ayon sa Kanyang mga apostol, pinuntahan sila at kumain na kasama nila, ikalawang pagkakataon ng pagdating na ito; at siya ay umakyat sa langit, na ipinagpalagay, sinabi ng kanyang mga apostol na siya ay magbabalik, at kung si Jesus ay darating sa ating kapanahunan, ikatlong pagkakataon na ito ng kanyang pagdating, hindi pangalawa.

Bakit hindi ito naisip ng mga apostol, gayundin ng mga relihiyon?

Papagurin ba nila ang mga tao na umasa sa mali?

Ang isa sa pinamalaking kasinungalingan na ginawa ng mga apostol sa sangkatauhan ay ang panlilinlang tungkol sa muling pagkabuhay ni Jesus. Papaano nila isinagawa ito?

Na nagsisipagsabi, Ginoo, naaalaala namin na sinabi ng magdarayang yaon nang nabubuhay pa, Pagkaraan ng tatlong araw ay magbabangon akong muli.

Mateo 27:63 (TAB)

Ang "mandaraya" ay naging dios pa.

Ipagutos mo nga na ingatan ang libingan hanggang sa ikatlong araw, baka sakaling magsiparoon ang kaniyang mga alagad at siya'y nakawin, at sabihin sa bayan, Siya'y nagbangon sa gitna ng mga patay: at lalong sasama ang huling kamalian.

Mateo 27:64 (TAB)

Sino ang nagnakaw ng bangkay niya? Habang sa ating pagbabasa matutuklasan natin sa huli, kung sino ang may gawa nito. Muli, ihahayag sa atin ni Maestro Evangelista ang may kasalanan.

Nguni't si Maria ay nakatayo sa labas ng libingan na umiiyak: sa gayon, samantalang siya'y umiiyak, siya'y yumuko at tumingin sa loob ng libingan;

At nakita niya ang dalawang anghel na nararamtan na nangakaupo, ang isa'y sa ulunan, at ang isa'y sa paanan, ng kinalalagyan ng bangkay ni Jesus.

At sinabi nila sa kaniya, Babae, bakit ka umiiyak? Sinabi niya sa kanila, Sapagka't kinuha nila ang aking Panginoon, at hindi ko maalaman kung saan nila inilagay siya.

Juan 20:11-13 (TAB)

Kahit si Maria Magdelena ay nagsabi na ang bangkay ni Jesus ay kinuha o ninakaw.

Pagkasabi niya ng gayon, siya'y lumingon, at nakitang nakatayo si Jesus, at hindi nalalaman na yaon ay si Jesus.

Juan 20:14 (TAB)

Papaano mangyayari iyon, na sa matagal na panahon na nakasama ni Maria Magdalena si Jesus ay nakapagtatakang sabihin na sa tatlong araw lamang ay hindi na siya nakilala o naaninag kahit na ang kanyang tikas (tindig)?

Sinabi sa kaniya ni Jesus, Babae, bakit ka umiiyak? sino ang iyong hinahanap? Siya, sa pagaakalang yao'y maghahalaman, ay nagsabi sa kaniya, Ginoo, kung ikaw ang kumuha sa kaniya, ay sabihin mo sa akin kung saan mo siya inilagay, at akin siyang kukunin.

Juan 20:15 (TAB)

"sa pagaakalang yao'y maghahalaman" - Napagkamalan pa ni Maria Magdalena na isang maghahalaman ang kausap niya at hindi si Jesus; ibig sabihin, kumuha ang mga apostol ng taong magpapanggap bilang Jesus upang papaniwalain ang mga tao na si Jesus ay muling nabuhay!

Sinabi sa kaniya ni Jesus, Maria. Lumingon siya, at nagsabi sa kaniya sa wikang Hebreo, Raboni; na ang ibig sabihin ay, Guro.

Juan 20:16 (TAB)

Dahil sa pagtawg sa kanya ng "Maria," ay napasagot agad si Maria Magdalena... nguni’t nang tinangka ni Maria Magdalena na lumapit at humawak sa kanya, ano ang nangyari?

Sinabi sa kaniya ni Jesus, Huwag mo akong hipuin; sapagka't hindi pa ako nakakaakyat sa Ama, nguni't pumaroon ka sa aking mga kapatid, at sabihin mo sa kanila, Aakyat ako sa aking Ama at inyong Ama, at aking Dios at inyong Dios.

Juan 20:17 (TAB)

Tumanggi ang nagpapanggap na siya'y mahawakan, nagbigay siya ng dahilan; nguni’t ang totoo, mahahayag ang pagpapanggap. Tandaan, si Maria Magdalena ay ang babaing nagmamasahe ng katawan ni Jesus at nagpapahid ng langis dito. Higit na malapit siya kaysa kahit sinong tagasunod ni Jesus.

Sino-sino ang mga nakasaksi sa pagkabuhay na muli ni Jesus?

At mga saksi kami sa lahat ng mga bagay na ginawa niya sa lupain ng mga Judio, at sa Jerusalem; na siya nama'y kanilang pinatay, na siya'y ibinitin sa isang punong kahoy.

Mga Gawa 10:39 (TAB)

Ang mga apostol ang nagbigay ng patotoo sa kanilang bayan tungkol sa muling pagkabuhay ni Jesus… nguni’t ang kataka-taka dito ay sinabi nila na si Jesus ay ibinitin sa isang punong kahoy!

Sino ang nagnakaw ng bangkay? Si Maestro Evangelista ang maghahayag sa atin kung sino-sino ang may kagagawan ng pagkawala at ang kadahilanan kung bakit ninakaw ang bangkay ni Jesus.

Siya'y muling binuhay ng Dios nang ikatlong araw, at siya'y itinalagang mahayag.

Hindi sa buong bayan, kundi sa mga saksi na hinirang ng Dios nang una, sa makatuwid baga'y sa amin, na nagsikain at nagsiinom na kasalo niya, pagkatapos na siya'y muling mabuhay sa mga patay.

Mga Gawa 10:40-41 (TAB)

Ang kanyang mga apostol ang nagnakaw ng bangkay ni Jesus! Wala ng iba. Nagsinungaling sila sa bayan. At sa kanilang pagkakamali sa pagsabi na si Jesus ay ibinitin sa punong kahoy, babaguhin ba nila ang kanilang pagsisinungaling?

Ibinangon ng Dios ng ating mga magulang si Jesus, na siya ninyong pinatay, na ibinitin sa isang punong kahoy.

Siya'y pinadakila ng Dios ng kaniyang kanang kamay upang maging Principe at Tagapagligtas, upang magbigay ng pagsisisi sa Israel, at kapatawaran ng mga kasalanan.

Mga Gawa 5:30-31 (TAB)

Ipinagpatuloy na nila ang kanilang kasinungalingan, at kung sinabi nila na si Jesus ay ibinitin sa puno, saan nila dapat ibaba si Jesus?

At nang maganap na nila ang lahat ng mga bagay na nasusulat tungkol sa kaniya, ay kanilang ibinaba siya sa punong kahoy, at inilagay siya sa isang libingan.

Mga Gawa 13:29 (TAB)

“kanilang ibinaba siya sa punong kahoy” – Naging bihasa sila sa pagsisinungaling sa kanilang bayan.

Upang ating malaman ang katotohanan, kung siya nga ba ay ibinitin sa isang punong kahoy o ipinako sa krus, tanungin natin si Jesus mismo:

At sinabi niya sa kanila, Ito ang aking mga salitang sinabi ko sa inyo, nang ako'y sumasa inyo pa, na kinakailangang matupad ang lahat ng mga bagay na nangasusulat tungkol sa akin sa kautusan ni Moises, at sa mga propeta, at sa mga awit.

Lucas 24:44 (TAB)

Ngayon, ating basahin siya sa mga Awit:

Dios ko, Dios ko, bakit mo ako pinabayaan? Bakit ka napaka layo sa pagtulong sa akin, at sa mga salita ng aking pagangal?

Oh Dios ko, ako'y humihiyaw sa araw, nguni't hindi ka sumasagot: at sa gabi, at hindi ako tahimik.

Awit 22:1-2 (TAB)

Ito ang mga salitang sinabi niya nang siya ay naghihirap at nasa bingit ng kamatayan; siya ba ay totoong ibinitin sa punong kahoy?

Ang aking kalakasan ay natuyo na parang bibinga; at ang aking dila ay dumidikit sa aking ngalangala; at dinala mo ako sa alabok ng kamatayan.

Sapagka't niligid ako ng mga aso: kinulong ako ng pulutong ng mga manggagawa ng masama; binutasan nila ang aking mga kamay at ang aking mga paa.

Awit  22:15-16 (TAB)

"binutasan nila ang aking mga kamay at ang aking mga paa" - Malinaw na si Jesus ay ipinako sa krus at hindi ibinitin sa isang punong kahoy ayon sa sinabi ng mga apostol. Nakita na kung sino ang nagsisinungaling.

Papaano siya naghirap?

Aking maisasaysay ang lahat ng aking mga buto; kanilang minamasdan, at pinapansin ako:

Hinapak nila ang aking mga kasuutan sa gitna nila, at kanilang pinagsapalaran ang aking kasuutan.

Awit 22:17-18 (TAB)

Ang lahat ng mga propeta ng Dios na nagsisunod sa Kanyang Salita ay iniligtas lahat sa oras ng kanilang pangangailangan, ngunit tungkol kay Jesus:

Oh Panginoon, huwag mo akong sawayin sa iyong pag-iinit: ni parusahan mo man ako sa iyong mahigpit na sama ng loob.

Sapagka't ang iyong mga pana ay nagsitimo sa akin, at pinipisil akong mainam ng iyong kamay.

Walang kagalingan sa aking laman dahil sa iyong pagkagalit; ni may kaginhawahan man sa aking mga buto dahil sa aking kasalanan.

Sapagka't ang aking mga kasamaan ay nagsidaan sa ibabaw ng aking ulo: gaya ng isang pasang mabigat ay napakabigat sa akin.

Ang aking mga sugat ay mabaho, at putokputok, dahil sa aking kamangmangan.

Awit 38:1-5 (TAB)

Dahil sa kanyang kahambugan, siya ay pinabayaan at:

Ako'y nahirapan at ako'y nahukot; ako'y tumatangis buong araw.

Sapagka't ang aking mga balakang ay lipos ng hirap; at walang kagalingan sa aking laman.

Ako'y nanglalata, at bugbog na mainam: ako'y umangal dahil sa kaba ng aking loob.

Panginoon, lahat ng aking nais ay nasa harap mo; at ang aking hibik ay hindi lingid sa iyo.

Ang aking loob ay kakabakaba, ang aking kalakasan ay nanglalata: tungkol sa liwanag ng aking mga mata, ay napawi rin ito sa akin.

Awit 38:6-10 (TAB)

Nabulag pa siya sa mga parusa na kanyang tinanggap. At:

Ang mga mangliligaw at mga kaibigan ko ay nangatayong malayo sa aking paghihirap; at ang aking mga kamaganak ay nakalayo.

Awit 38:11 (TAB)

Nilayasan siya ng kanyang mga tagasunod nang siya ay pinaparusahan na.

Ako'y napipi ng pagtahimik, ako'y tumahimik pati sa mabuti; at ang aking kalungkutan ay lumubha.

Ang aking puso ay mainit sa loob ko; habang ako'y nagbubulaybulay ay nagalab ang apoy: nang magkagayo'y nagsalita ako ng aking dila:

Panginoon, ipakilala mo sa akin ang aking wakas, at ang sukat ng aking mga kaarawan, kung ano; ipakilala mo sa akin kung gaano kahina ako.

Awit 39:2-4 (TAB)

Gaano kahaba ang ikinabuhay niya?

Narito, gaya ng mga dangkal ginawa mo ang aking mga kaarawan; at ang aking gulang ay tila wala sa harap mo: tunay na bawa't tao sa kaniyang mainam na kalagayan ay pawang walang kabuluhan. (Selah)

Awit 39:5 (TAB)

Si Jesus ay humigit kumulang tatlumpung taong gulang nang siya ay mamatay, sa panahon ng kasariwaan ng kanyang buhay! Tunay na "mga dangkal" lamang ang kanyang ikinabuhay kung ihahambing sa mahahabang buhay na tinamasa ng mga propeta ng Dios.

Binigyan naman nila ako ng pagkaing mapait; at sa aking kauhawan ay binigyan nila ako ng suka na mainom.

Awit 69:21 (TAB)

Ito ang ibinigay at ipinainom sa kanya habang siya ay nakapako sa krus!

Sa pagbasa sa mga ito, napatunayan na ninakaw ng mga apostol ang kanyang bangkay at pinalabas na siya ay nagbangon muli pagkatapos ng "tatlong araw," gaya ng inihayag ni Jesus mismo. Kilala na natin kung sino-sino ang nanlilinlang.

Ano ang tunay na kahulugan ng “Ikatlong Araw?”

Bumalik sa Itaas.

Magpatuloy sa: Ang tunay na kahulugan ng "Ikatlong Araw"

Ang pahinang ito ay huling inayos noong: Wednesday May 28, 2014

Maestro Eraño M. Evangelista was only sent to deliver God's Message to all people; he is not starting a new religion, nor asking for any kind of donation. Please find time to read the messages completely.