www.thename.ph

www.suurinimi.com

The Revelation of the Great Name of God

and of the Testimony of Jesus, and the New City of God, the New Jerusalem and the Coming of the Foreigner of God

"Generations come and generations go, but the earth remains forever." - Ecclesiastes 1:4 (NIV)

The world will not end, it will have a new beginning. One people, one world and One God.

The LORD will be king over the whole earth. On that day there will be one LORD, and his name the only name. Zechariah 14:9 (NIV)

The Name of God Revealed (NIV) | The Name of God Revealed (Tanakh) | The Testimony of Jesus | The Coming of the Foreigner 

Language versions:

English

Filipino

Finnish

Unang Pahina | Tungkol sa site | Balita | Sitemap | Email

Ang Tungkol sa Kasalanan

Basahin ang Pahinang ito sa Ingles.

ANG PAMAMARAAN NG PANLILINLANG NI SATANAS

Inihayag noong ika-22 ng Agosto 2005

Alam na natin kung bakit ganito karami at bakit matagumpay ang mga relihiyon. Sa kapahayagan ito ni Maestro Evangelista, binunyag niya ang kapanangyarihan na nagtutulak sa mga relihiyon na lumaganap sa buong mundo!

Nalinlang tayo ng mahabang panahon, upang matigil na ang panlilinlang sa atin ay kailangang makilala ang “manlilinlang” at malaman ang pamamaraan na ginagamit nito.

At ito mismo ang ipakikita ni Maestro Evangelista, kung papaano natin makikilala ang "Manlilinlang."

At sinabi ng Panginoong Dios sa ahas, Sapagka't ginawa mo ito, ay sumpain ka ng higit sa lahat ng hayop, at ng higit sa bawa't ganid sa parang; ang iyong tiyan ang ilalakad mo, at alabok ang iyong kakanin sa lahat ng mga araw ng iyong buhay:

At papagaalitin ko ikaw at ang babae, at ang iyong binhi at ang kaniyang binhi: ito ang dudurog ng iyong ulo, at ikaw ang dudurog ng kaniyang sakong.

Genesis 3:14-15 (TAB)

Sa Halamanan ng Eden, naging matagumpay ang ahas sa paglinlang kina Adan at Eva at sila ay pinalayas.

“ang iyong tiyan ang ilalakad mo” – Ibig sabihin, ang ahas ay gagapang sa kanyang tiyan bilang parusa; ibig sabihin, ang ahas ay gagapang sa kanyang tiyan bilang parusa; nangangahulugan na ang ahas ay may mga paa noon at nakakalakad!

Tungkol sa hiwaga ng pagkakilanlan ng ahas, ni isa sa mga tagapagturo at mga pantas ng mga relihiyon ay hindi alam ang sagot kung sila’y ating tatanungin tungkol dito, at sasabihin nila na balot pa ito sa lihim. Ang sabi ni Maestro Evangelista, sa panahon natin ay hindi na dapat tanggapin ang mga hiwaga; nasa panahon na tayo ng teknolohiya, lahat ng bagay ay naipapaliwanag na.

Ihahayag ngayon ni Maestro Evangelista ang lihim ng pagkakilanlan ng ahas noon sa Halamanan ng Eden. Siya rin ang inutusan ng Dios upang maghayag at magbigay ng paliwanag sa mga hiwaga at mga lihim na nasa Banal na Aklat na nalingid sa atin at sa mga relihiyon; ang mga hiwaga ay mahahayag lang sa panahon natin sa pamamagitan ng aklat ng Apocalipsis.

Ang sabi ni Maestro Evangelista: Ang pinakamahalagang mga aklat sa Biblia ay ang mga aklat ng Genesis at Apocalipsis. Kagaya ng isang bahay, ang aklat ng Genesis ang pundasyon at ang aklat ng Apocalipsis ang bubong ng bahay. Kung ang pundasyon ay mahina, hindi tatayo ng matagal ang bahay, at gayon din naman sa bubong, kung mahina rin ito, hindi magandang manirahan dito. Tulad din ng mga relihiyon, hindi nila binibigyang pansin ang aklat ng Genesis at bahagya lang nilang tinalakay sa atin ang aklat ng Apocalipsis. Dahil hindi sila pinahintulutan ng Dios na malaman ang mga ito!

Ano nga ba ang anyo ng ahas bago pa mangyari ang panunukso sa Halaman sa Eden?

Basahin sa:

At inihagis ang malaking dragon, ang matandang ahas, ang tinatawag na Diablo at Satanas, ang dumadaya sa buong sanglibutan; siya'y inihagis sa lupa, at ang kaniyang mga anghel ay inihagis na kasama niya.

Apocalipsis 12:9 (TAB)

Ang ahas ay ang “malaking dragon!” At dahil sa ginawa nitong panunukso sa babae ay hindi pumayag ang Dios na hindi maparusuhan ang ahas o ang “manlilinlang”, kaya’t inalisan Niya ito ng paa at naging ahas bilang kaparusahan.

Muli, totoo ba na ang ahas ay ang dragon din? Isaisip ang pagkakasunod-sunod na mga pagkakakilanlan.

Basahin sa:

At sinunggaban niya ang dragon, ang matandang ahas, na siyang Diablo at Satanas, at ginapos na isang libong taon,

Apocalipsis 20:2 (TAB)

Sa mga nagdaang panahon, ang “manlilinlang” ay naging matagumpay sa pagtukso dahil sa iba’t ibang anyong ginagamit nito na lingid sa kaalaman ng tao.

Nguni’t sa Pahayag ni Maestro Evangelista, makikita na natin ang mga anyo na ginamit ng “manlilinlang” sa mga nagdaang panahon at sa wakas ito ay makikilala na.

Sa panahon ni Adan, ang "manlilinlang" ay nag anyong ahas. At ng dumating ang panahon na ang "manlilinlang" ay manuksong muli, anong anyo o balatkayo ang ginamit nito?

At sinabi sa kaniya ng diablo, Kung ikaw ang Anak ng Dios, ipag-utos mo na ang batong ito ay maging tinapay.

Lucas 4:3 (TAB)

Sa panahon ni Jesus, ang manlilinlang/ahas ay nagsa-anyong Diablo. Kung ang “manlilinlang” ay nagpakita kay Jesus sa anyong ahas, kakausapin pa ba ito ni Jesus? Hindi na!

At nang matapos ng diablo ang lahat ng pagtukso, ay hiniwalayan siya niya ng ilang panahon.

Lucas 4:13 (TAB)

Nakilala nga ang Diablo, muli ang manlilinlang ay sumubok na manukso muli, at anong anyo ang kanyang ginamit? 

At isinama siya ni Pedro, at nagpasimulang siya'y pinagwikaan, na nagsasabi, Panginoon, malayo ito sa iyo: kailan man ay hindi mangyayari ito sa iyo.

Datapuwa't lumingon siya, at sinabi kay Pedro, Lumagay ka sa likuran ko, Satanas: ikaw ay tisod sa akin: sapagka't hindi mo pinagiisip ang mga bagay ng Dios, kundi ang mga bagay ng tao.

Mateo 16:22-23 (TAB)

Nalaman ni Jesus na sa pagkakataong ito, ang “manlilinlang” ay nasa anyong Satanas. At nagtagumpay na linlalingin siya sa pamamagitan ni Pedro.

Tumigil ba ang panlilinlang sa panahon niya? Ang panglilinlang ay hindi natigil doon. At bago mamatay si Jesus, kanino niya nailipat ang "kapamahalaan at kaluwalhatian ng mundo" na kanyang tinanggap mula sa Diablo?

At tinipon niya ang labingdalawa, at binigyan sila ng kapangyarihan at kapamahalaan sa lahat ng mga demonio, at upang magpagaling ng mga sakit.

At sila'y sinugo niya upang ipangaral ang kaharian ng Dios, at magpagaling ng mga may sakit.

Lucas 9:1-2 (TAB)

Ito ang pagpapatuloy ng paglilinlang na nag-simula sa Halamanan; sa pagkamatay ni Jesus, ang mga apostol ang nagpatuloy ng panlilinlang sa mga tao gamit ang kapangyarihan at kapamahalaan sa lahat ng mga demonio, upang magpagaling ng mga sakit at ipangaral ang kaharian ng Dios.

Ang tanong ni Maestro Evangelista, sinong dios ang kanilang ipinangangaral? Pag ang isang simbahan ay nagpagaling sa inyo ng inyong sakit, sa pamamagitan ng “pray over” at iba’t-ibang mga ritwal, malalabanan mo pa ba ang kanilang aral? Ito ang pamamaraan ng pagpapatuloy ng mga apostol sa paglilinlang, ipapangako nila ang kaharian ng Dios, nang hindi ipinakikilala ang Kanyang Tunay na Pangalan.

Kung ang relihiyon ay hindi naipakilala ang Pangalan ng Dios, kaninong kaharian ang ipinangangako nila sa atin?

At sa ating panahon, kanino inilipat ang kanilang kapangyarihan at kapamahalaan sa lahat ng mga demonio, at upang magpagaling ng mga sakit at ipangaral ang kaharian ng Dios? Sa mga relihiyon! Ang sabi ni Maestro Evangelista, wala kang makikitang relihiyon o simbahan na hindi nagpapalayas ng demonyo, nagpapagaling ng sakit at nangangaral ng kaharian ng Dios.

Ito ang huling panlilinlang sa mundo.

Ano ang mangyayari sa kanila sa bandang huli?

At inihagis ang malaking dragon, ang matandang ahas, ang tinatawag na Diablo at Satanas, ang dumadaya sa buong sanglibutan; siya'y inihagis sa lupa, at ang kaniyang mga anghel ay inihagis na kasama niya.

Apocalipsis 12:9 (TAB)

“at ang kaniyang mga anghel ay inihagis na kasama niya” – Sino ang mga "anghel" ni Satanas? Ang mga relihiyon!

Ito ang pahayag na mangyayari sa di kalaunan. Mahahayag na ang mga relihiyon ay hindi kabilang sa Dios. Una, hindi nila kilala ang Pangalan ng Tunay na Dios, hindi nila sinunod ang mga kautusan ng Dios. Kaya tayo ay nasumpa nang nagsisunod tayo sa mga relihiyon at inilagak din natin ang ating paniniwala kay Jesus.

Bumalik sa Itaas.

Magpatuloy sa: Si Jesus ba'y nabuhay muli?

Ang pahinang ito ay huling inayos noong: Wednesday May 28, 2014

Maestro Eraño M. Evangelista was only sent to deliver God's Message to all people; he is not starting a new religion, nor asking for any kind of donation. Please find time to read the messages completely.